HONOR ընկերությունը հայտարարել է HONOR 200 և HONOR 200 Pro սմարթֆոնների վաճառքի մեկնարկի մասին, որոնք նոր ստանդարտներ են սահմանում էկրանային տեխնոլոգիաների, դիմանկարային լուսանկարչության, մարտկոցային նորարարությունների և արհեստական բանականության (ԱԲ) ալգորիթմների կիրառման ոլորտում։ Ուղղորդվելով հայելային տեսախցիկների ապահոված պատկերի որակով՝ HONOR 200 սմարթֆոնները օգտագործում են ԱԲ-տեխնոլոգիաները դիմանկարային լուսանկարչության հեղափոխություն կազմակերպելու համար։
Թվային լուսանկարչության ալգորիթմների աշխատանքի բարելավման և պատկերների որակի բարձրացման համար HONOR ընկերությունը մշտապես գնահատում է սպառողների կարիքները և նկարահանման տեխնոլոգիաների նորարարության պահանջարկը։ HONOR 90 սերիայում հնարավոր դարձավ հասնել նկարահանման այնպիսի բարձր որակի, որը համեմատելի է հայելային ֆոտոխցիկների հետ, իսկ նոր HONOR 200-ի դեպքում ինժեներները կենտրոնացել են գեղագիտական և գեղարվեստական դիմանկարային լուսանկարչության վրա՝ համագործակցելով Harcourt լեգենդար փարիզյան լուսանկարչական ստուդիայի հետ։
HONOR-ը և Harcourt-ը վերլուծել են 10000 դասական դիմանկարների լույսն ու ստվերը և ստեղծել ԱԲ ալգորիթմ, որը, հաշվի առնելով ստուդիական լուսանկարիչների փորձը, ունակ է հաշվարկել նկարահանման օպտիմալ պարամետրեր և ինը փուլով մշակել ստացված պատկերը։ Դա թույլ է տալիս թվային ձևաչափով վերարտադրել Harcourt ստուդիայի դիմանկարների ոճը՝ եզակի լուսաստվերային ձեռագրով, և առաջարկել ոչ միայն լուսանկարների գեղարվեստական մշակում, այլև հատուկ ալգորիթմեր, որոնք հաշվի են առնում մարդու դիմագծերը, շրջակա միջավայրի լուսավորվածությունը և տեսարանի այլ պարամետրերը։
HONOR 200 սերիայի սմարթֆոնները աչքի են ընկնում արտադրողական կոնֆիգուրացիաներով, որոնք ապահովում են լավագույն սպառողական փորձառությունը։ HONOR 200 Pro-ն սարքավորված է հզոր Qualcomm Snapdragon 8s Gen 3 պրոցեսորով և RF C1+ ֆիրմային ռադիոչիփով, որի ԱԲ տեխնոլոգիաները բարձրացնում են տվյալների փոխանակման արագությունը։ Սիլիցիում-ածխածնային մարտկոցը թույլ է տալիս մեծացնել մարտկոցի տարողունակությունն առանց չափերի և քաշի ավելացման, իսկ սնուցման կառավարման չիփը ապահովում է լարային լիցքավորման 100 Վտ և անլար լիցքավորմն 66 Վտ արագություն։
Նորույթների էկրանները հավաստագրված են TÜV Rheinland մեթոդաբանությամբ, ինչը փաստում է սմարթֆոնի էկրանի թարթման բացակայությունը, և տեսողության համապարփակ պաշտպանության։ 3840Հց ԼԻՄ-հաճախականությունն ապահովում է տեսանելի թարթման լիակատար բացակայությունը, «Դինամիկ պայծառություն» ֆունկցիան նվազեցնում է աչքի մկանների լարվածությունը, «Բնական երանգ» ֆունկցիան հարմարեցնում է գունափոխանցումը շրջակա միջավայրի լուսավորվածությանը, իսկ «Ցիրկադային գիշերային էկրան» ֆունկցիան՝ արհեստական բանականության ալգորիթմներով, հաշվի է առնում օգտատերերի սովորությունները՝ նվազեցնելով կապույտ ճառագայթումը երեկոյան ժամերին և նպաստում է մելատոնինի ավելի արդյունավետ արտադրմանը։
Honor 200-ի աշխատանքը կառավարում է արհեստական բանականության տեխնոլոգիաներով հագեցած MagicOS 8.0 օպերացիոն համակարգը։ Օգտատերերին, մասնավորապես, հասանելի է Magic Portal ֆունկցիան, որն ապահովում է փոխգործակցությունը կոնտենտի և հավելվածների հետ՝ կանխագուշակելով օգտատիրոջ մտադրությունները։ Հաղորդագրությունների համար նախատեսված MagicCapsule հատվածը թույլ է տալիս մշտապես տեսնել հավելվածների կարգավիճակը և ցանկացած պահի ապահովում է կառավարման հիմնական տարրերի հասանելիությունը։ Բացի այդ, MagicOS 8.0-ը աչքի է ընկնում էկոհամակարգային ֆունկցիաներով և հիմնական էկրանի հարմարավետ կարգավորումներով, ներառյալ մեկ հպումով հավելվածների գործարկման մեծ թղթապանակները և նշանների ընդլայնման հնարավորությունը՝ նախատեսված որոշ ֆունկցիաների արագ գործարկման համար։
Որպես նորույթ ներկայացվեցին նաև HONOR 200 սերիայի սմարթֆոնների գույներով իրականացված HONOR Earbuds X7 ականջակալները, որոնք ստացել են Golden Ear Sound Quality հավաստագիր՝ որակյալ ձայնի և մինչև 40 ժամ տևողությամբ անդադար երաժշտություն վերարտադրելու կարողության համար։
