Høgre om daglegvare-vedtaket: – Alvorleg sak

Konkurransetilsynet har konkludert, og gir eit gebyr på til saman 4,9 milliardar til Coop, Norgesgruppen og Rema. Det seier daglegvarepolitisk talsperson i Høgre, Lene Westgaard-Halle til NRK.

– Dette er ei alvorleg sak. Dersom det har gått føre seg samarbeid mellom kjedene, betyr det at forbrukarane har betalt for mykje for daglegvarer i norske butikkar over tid.

Ho seier Høgre registrerer at kjedene ikkje er einige i vedtaket.

– Dette vil bli ei viktig sak for rettsvesenet å behandle, både for verdikjeda for daglegvarer, for andre handelsaktørar og for norske forbrukarar, seier Westgaard-Halle, og legg til at dei kjem til å følge saka med interesse.