Forsvarsdepartementet saksøker verftet som bygde KNM «Helge Ingstad»
Regjeringsadvokaten stadfestar søksmålet overfor VG.
Det er det spanske verftet Navantia som sto bak bygginga av fregatten som no blir saksøkt av Forsvarsdepartementet.
– Det føregår ein rettsleg prosess mellom Forsvarsdepartementet og verftet Navantia, men på noverande tidspunkt er det ikkje naturleg å gje fleire detaljar om søksmålet, seier advokat hos Regjeringsadvokaten, Ole Kristian Rigland, til VG.
Verken Regjeringsadvokaten eller Forsvarsdepartementet ønskjer å kommentere kva søksmålet baserer seg på til avisa.
Fregatten KNM «Helge Ingstad» kolliderte med tankskipet «Sola TS» i 2018. Ingen omkom, men fregatten til over 4 milliardar kroner vart totalskadd. Vaktsjefen på fregatten er dømd til 60 dagars fengsel på vilkår for aktløyse.