Kütleviy haber vastaları, ekspert ve siyasetçileri Rusiye ve Ukrayına arasında muzakereler ola bile, dep sıq-sıq aytıp başladı. Ukrayina prezidenti Volodımır Zelenskıy de «dünya rusiyelilerni masa başında körmege istese, qarşı degilmiz, çünki olarnı toqtatmaq bizim içün müim ola». Qırım bu muzakerelerde ne yerde ve bu vaziyette onı işğalden nasıl qurtarmaq mümkün? Al-azırda taraflar ne ayta? Bu aqta Qırım.Aqiqat Radiosınıñ yayınında alıp barıcı Andriy Ğevko «Ukrayinska prızma» tış siyaset şurasınıñ eksperti Oleksandr Krayev, Ukrayına halq deputatı ve «Aydar» askeri Svâtoslav Yuraş ve Qırımtatar Milliy Meclisiniñ reisi Refat Çubarovnen laf etti.
