«Հաղթանակ» զբոսայգու տարածքում կանցկացվի «ՏԱՐԱԶֆեստ» 6-րդ քաղաքային զբոսաշրջային փառատոնը
Օգոստոսի 10-ին և 11-ին «Հաղթանակ» զբոսայգու տարածքում կանցկացվի «ՏԱՐԱԶֆեստ» 6-րդ քաղաքային զբոսաշրջային փառատոնը, որի նպատակն է ազգային հագուստի, մշակույթի, ավանդույթների, զարգացումն ու ցուցադրումը թե´ մայրաքաղաքի հյուրերին, թե´ Հայաստանի բնակիչներին: Այդ մասին հայտնում են ՀՀ էկոնոմիկայի նախարարությունից:
Փառատոնը կիրականանա ՀՀ մարզերի, Երևանի, և Արցախից բռնի տեղահանված արհեստագործ վարպետների, ինչպես նաև արդեն ավանդույթ դարձած ՀՀ-ում հավատարմագրված դեսպանությունների և ազգային փոքրամասնությունների մշակութային կենտրոնների, Հայաստանի թանգարանների, հայկական արտադրանքը ներկայացնող ընկերությունների մասնակցությամբ։
Միջոցառման առաջին հատված՝
• ցուցահանդես-վաճառք.
• ցերեկային ցուցադրություններ՝ երիտասարդ դիզայներների հավաքածուների ցուցադրություն-մրցույթ.
• ազգային խաղեր.
• ուսուցողակրթական ժամանցային ծրագրեր:
Միջոցառման երկրորդ հատված՝
• Ազգային հագուստի ցուցադրություն՝ ժամանակակից ներկայացմամբ։
Կցուցադրվեն «Տերյան մշակութային կենտրոնի», տեղացի և միջազգային հայ դիզայներների տարազային և հայկական զարդանախշերի ու գորգանախշերի բաղադրիչ պարունակող հագուստների անհատական հավաքածուները՝ երաժշտության ներքո։
Փառատոնի ողջ ընթացքում բարձր տրամադրությունն ու երաժշտական ծրագիրը կապահովեն հայկական ավանդական երգի-պարի համույթները, ազգային փոքրամասնությունները ներկայացնող մասնակիցները:
Փառատոնն իրականացվում է ՀՀ ԷՆ զբոսաշրջության կոմիտեի աջակցությամբ, «Վիքթորի պարկ» ՍՊԸ-ի («Հաղթանակ» զբոսայգի) գործընկերությամբ:
The post «Հաղթանակ» զբոսայգու տարածքում կանցկացվի «ՏԱՐԱԶֆեստ» 6-րդ քաղաքային զբոսաշրջային փառատոնը first appeared on MediaLab Newsroom-Laboratory.