Լևանդովսկիի դուբլը չօգնեց Բարսելոնային խուսափել պարտությունից Միլանի դեմ խաղում
ԱՄՆ-ի Մերիլենդ նահանգի Բալթիմոր քաղաքի «M&T Bank» մարզադաշտում այսօր՝ օգոստոսի 7-ին ընկերական հանդիպման շրջանակում միմյանց դեմ մրցեցին «Բարսելոնան» և «Միլանը»։
Խաղի հիմնական ժամանակը ավարտվեց 2։2 հաշվով։ «Ռոսոներիների» կազմում աչքի ընկան Լուկա Յովիչը և Քրիստիան Պուլիշիչը։ «Կապտանռնագույններից» միլանցիների գոլերին դուբլով պատասխանեց Ռոբերտ Լևանդովսկին։
Հետխաղյա 11 մետրանոց հարվածաշարում ավելի դիպուկ գտնվեցին իտալական ակումբի խաղացողները՝ հաղթելով 4։3 հաշվով։
Հիշեցնենք, որ ավելի վաղ «Միլանը» Պաուլո Ֆոնսեկայի գլխավորությամբ ընկերական խաղում նաև հաղթել էր Մադրիդի «Ռեալին» (1։0)։