Сот отырысында Шымкенттің бұрынғы әкімінің ағасы Марат Әйтенов сөз сөйледі, - деп хабарлайды Tengrinews.kz тілшісі.
Марат Әйтеновке қатысты іс Қылмыстық кодекстің 109-1-бабы "Ұрып-соғу" бойынша қаралып жатыр.
"Құрметті сот, мен шынымен, ол басымен жерге құламауы үшін қолы мен аяғынан көтеріп ұстадым. Мен оны сүйреген жоқпын. Оны ұстап қалдым, ол өзі құламақ болғанда, қолымды тостым. Ал оның шашынан жұлғаным - өтірік", - деді Марат Әйтенов сотта.
Қылмыстық кодекстің 109-1-бабына сәйкес, тән ауруына ұшыратқан, бірақ денсаулыққа жеңіл зиян келтіруге алып келмеген ұрып-соғу немесе өзге де зорлық-зомбылық әрекеттерін жасау –
"сексен айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына, не сексен сағатқа дейінгі мерзімге қоғамдық жұмыстарға тартуға, не жиырма бес тәулікке дейінгі мерзімге қамаққа алуға жазаланады".
Еске салайық, Астанада Шымкенттің экс-әкімінің ағасының соты басталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
