Minst fem er døde i ein eksplosjon og ein brann på ein tequila-fabrikk i Mexico, melder lokale styresmakter ifølge CNN.
Fem blei skadde i ulukka, som skjedde på destilleriet Casa Cuervo, i byen Tequila i Jalisco-distriktet i Mexico.
Casa Cuervo skriv på nettsida si at dei er verdas største mexicanske spritprodusent.
Jaliscos sikkerheitsmyndigheit opplyser at ein tankbil eksploderte, skriv CNN. Brannen førte til at tre andre tankbilar byrja å brenna, kvar med ein kapasitet på 219.000 liter.Årsaka til brannen er enno ikkje kjend, ifølge dei lokale styresmaktene.
Minst 40 brannfolk og sivilforsvaret rykka ut til hendinga.
