Մենք հոգեբանական ծանր վիճակում ենք, գործը նախաքննության փուլում է, եթե կապացուցվեր, որ իմ երեխան է ծեծել, թող նոր հրապարակեին:
Այս մասին ասաց Tert.am զանգահարած 13-ամյա երեխայի հայրը՝ Մ.Ա-ն, որի երեխային մեղադրում են իբրև ծեծի է ենթարկել 11-ամյա երեխայի:
Ծնողի պնդմամբ՝ ծեծ չի եղել:
«Ծեծ չի եղել, այսքան բան կարող եմ ասել, մինչև նախաքննությունը կավարտվի:
Ես ցավում եմ, որ նման բան են անում: Աբսուրդն այն է, որ ճիշտ ինֆորմացիան տրված է՝ երեխայի տարիք և այլն, բայց ապացուցված չի, ծեծե՞լ է, թե՝ չէ: Մյուս երեխան ասում է՝ ինձ խփել է, իմ երեխան էլ ասում է՝ չէ, չեմ խփել, ինքը բակում նստած տեղից բարձրացել, վայր է ընկել, հիմա այդ ամեն ինչը նախաքննության փուլում է, եթե ոչինչ ապացուցված չէ, նման բան հրապարակել չի կարելի»,- բացատրեց ծնողը:
Ծնողը նշեց, որ պետք է ավելի զգույշ լինել երեխաների հետ կապված ինֆորմացիան հանրայնացնելուց առաջ և մտածել երեխաների ապահովության մասին:
