Իսպանիան ներկայացրել է 11 մարզադաշտ, որտեղ կարող է անցկացվել ԱԱ-2030-ը
Իսպանիան պաշտոնապես ներկայացրել է 2030 թվականի աշխարհի առաջնությունն ընդունելու 11 թեկնածու մարզադաշտ։
Ցանկում ներառված են՝ «Կամպ Նոուն» (Բարսելոնա), «Սանտյագո Բեռնաբեուն», «Մետրոպոլիտանոն» (երկուսն էլ Մադրիդ), «RCDE ստեդիումը» (Բարսելոնա, Կորնելա Էլ Պրատ), «Լա Կարտուխան» (Սևիլիա), «Սուն-Մամեսը» (Բիլբաո), «Լա Ռոսալեդան» (Մալագա), «Ռոմարեդան» (Սարագոսա), «Ռիազորը» (Կորունյա), «Անոետան» (Սան Սեբաստիան) և «Գրան Կանարիան» (Լաս Պալմաս):
Բացի այդ, որոշակիացվել են 45 լրացուցիչ տեղամասեր և մասնակից թիմերի բազաներ: Նրանք գտնվում են Իսպանիայի 16 շրջաններում, ինչպիսիք են՝ Անդալուսիան, Կանարյան կղզիները, Կանտաբրիան, Կաստիլիան և Լեոնը, Կաստիլիա-Լա Մանչան, Կատալոնիան, Մադրիդի ինքնավար համայնքը, Վալենսիական համայնքը, Էքստրեմադուրան, Գալիսիան, Բալեարյան կղզիները, Լա Ռիոխան, Նավարան, Բասկերի երկիրը, Աստուրիայի իշխանությունը և Մուրսիա շրջանը։
Իր հերթին, մրցաշարի մյուս երկու տանտերերը՝ Մարոկկոն և Պորտուգալիան, կընդունեն մրցաշարը համապատասխանաբար 6 և 3 մարզադաշտերում։
Նշվում է, որ այս ցուցակները վերջնական չեն բոլոր տարածքները պետք է գնահատվեն և հաստատվեն ՖԻՖԱ-ի կողմից։