Жыл басынан бері Алматы облысы Жамбыл ауданының полицейлері ЖҚЕ-нің 4000-нан астам заңбұзушылығының жолын кесті, - деп хабарлайды Tengritravel.kz тілшісі Polisia.kz сайтына сілтеме жасап.
Тәртіп сақшылары жол апаттарынан жарақаттанулардың алдын алуға және жол қозғалысын қадағалау тиімділігін күшейтуге бағытталған тұрақты іс-шаралар өткізеді.
"Жыл басынан бері аудан аумағында барлығы 86 жол-көлік оқиғасы тіркелді. Жүргізілген талдау көрсеткендей, негізгі себептер жылдамдық режимін бұзу және қарсы қозғалыс жолағына шығу болып табылады. Жарты жыл ішінде полицейлер жол қозғалысы ережелерін бұзудың 4210 жолын кесті", – деді Жамбыл аудандық полиция бөлімінде.
ЖКО-ның негізгі саны дәл осы жол қозғалысы ережелерін бұзғандықтан болатыны айтылды. Қала сыртындағы трассаларда жүк техникасы мен қалааралық тасымалдауды жүзеге асыратын автокөлікке ерекше назар аударылады.
"Жол қозғалысына қатысушыларға жолдарда мұқият болуды, жол қозғалысы ережелерін қатаң сақтауды сұраймыз. Өйткені сіздің және жақындарыңыздың өмірі мен денсаулығы осыған байланысты", – деп толықтырды полиция қызметкерлері.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
