Կարմիր սարը շահագործելու թեմայով լսումներն անցել են մի շարք խախտումներով (տեսանյութ)
Վեդի համայնքի Գինեվետ բնակավայրի տարածքում գտնվող Կարմիր սարը շահագործելու թեմայով հուլիսի 10-ի լսումներն անցել են մի շարք խախտումներով։ Խախտումների մասին բարձրաձայնում են ակտիվիստներն ու տարբեր ՀԿ-ների ներկայացուցիչները։
Ամենամեծ խախտումը հենց սկզբից էր, երբ շահագրգիռ կողմերին ներս չէին թողնում դահլիճում տեղ չլինելու պատճառաբանությամբ։ Հանրային լսումներին մասնակցելու գնացած հարյուրավոր գյուղացիների դիմավորել են ոստիկանները։
«Հանրային վերահսկողություն» ՀԿ-ի նախագահ Մհեր Կարագյոզյանի խոսքով՝ սա հերթական դեպքն է, երբ ոստիկանության ուղիղ միջամտությամբ չի իրացվել մարդու իրավունքը։
«Դահլիճ թողնում էին ընտրովի, թողնում էին այն քաղաքացիներին, ովքեր կողմ են հանքի բացմանը։ Այս չորրորդ հանրային լսումը պետք է չեղարկվի և քրեական գործ նախաձեռնվի», - նշել է նա։
Մանրամասները՝ տեսանյութում։