Հրազդանի կիրճում 34-ամյա վարորդը «Mercedes»-ով հայտնվել է թփուտների մեջ
Այսօր՝ հուլիսի 12-ին, արտակարգ դեպք է տեղի ունեցել Երևանում։ Ժամը 19։50-ի սահմաններում Երևանի բնակիչ 34-ամյա Արամ Ավետիսյանը իր վարած «Mercedes» մակնիշի ավտոմեքենայով Հրազդանի կիրճում, դեռևս անհայտ հանգամանքներում, դուրս է եկել ճանապարհի երթևեկելի գոտուց և կիսով չափ հայտնվել Հրազդան գետի ափամերձ հատվածում՝ թփուտների մեջ։
Ինչպես հայտնում է shamshyan.com-ը, վթարի հետևանքով տուժածներ չկան։ Վարորդին առաջինն օգնության են հասել քաղաքացիները և տեղի ուժերով նրան դուրս բերել ավտոմեքենայից։
Վարորդը ենթարկվել է սթափության փորձաքննության, եղել է սթափ։