«Կրասնոդարի» հարձակվողական ոճի կիսապաշտպան Էդուարդ Սպերցյանը կարծիք է հայտնել Սանկտ Պետերբուրգի «Զենիթի» հետ Ռուսաստանի Սուպերգավաթի առաջիկա հանդիպման մասին, որը կկայանա վաղը՝ հուլիսի 13-ին.
«Վաղը մեծ օր է, մեծ խաղ: Մենք խաղում ենք գավաթի համար, որին բոլորս սպասում ենք։ Բոլորը պատրաստ են։ Մենք ճնշում չենք զգում։ Լավ է, որ կան նման խաղեր և նման շանս։
Մինչ այս ես փոխավագն էի, հիմա՝ ավագը։ Ես շնորհակալություն հայտնեցի այս վստահության համար։ Ես այստեղ եմ մեծացել, դա մեծ հպարտություն է»,- Սպերցյանի խոսքերն է փոխանցում Championat.com-ը:
Հիշեցնենք, որ «Զենիթ» -«Կրասնոդար» հանդիպումը կկայանա Վոլգոգրադի «Վոլգոգրադ Արենա» մարզադաշտում և կմեկնարկի ժամը 21:30-ին:
