КР Президенти, Коопсуздук Кеңешинин башчысы С.Н. Жапаровго
КР УКМК төрагасы К.К. Ташиевке
АЧЫК КАТ
Урматтуу Садыр Нургожоевич!
Урматтуу Камчыбек Кыдыршаевич!
Жер жана суу мыйзамдарын одоно бузуп, Ош шаарынын Кызыл-Кыштак айыл аймагындагы Жупас каналынын суу коргоо аймагына мыйзамсыз берилген Кызыл-Кыштак айыл өкмөтүнүн 17.12.2010 ж. №180 токтомун жана Кара-Суу райондук Мамкаттоо (Кадастр) тарабынан берилген №300779 Мамакттын жокко чыгаруу боюнча сотко доо арыз берүү үчүн Ош шаарынын прокуроруна тапшырма берүүнүздү жана аны көзөмөлгө алуунузду суранам. Себеби:
1. Жер жана суу баскынчысы Алимов Козим Кызыл-Кыштак айыл аймагы Миралимжан Халматов 7 үйүнүн аймагын Жупас каналынын суу коргоо аймагы эсебинен өзүм билемдик менен басып, ээлеп, кеңейтип, үйүнүн короосуна мыйзамсыз кошуп алган жана Кызыл-Кыштак айыл өкмөтүнүн кызмат адамдары менен алдын ала сүйлөшүп, Кызыл-Кыштак айыл өкмөтүнүн 17.12.2010 ж. №180 токтомун чыгартып алат жана Жер жана суу мыйзамдарын одоно бузуп, суу коргоо аймагына Кара-Суу райКадастр тарабынан мыйзамсыз №300779 Мамакт жасатат.
2. КР Өкмөтүнүн 07.07.1995 ж. №271, Кара-Суу райондук мамадминистрациясынын 27.12.1996 ж. №618, Ош шаарынын мэриясынын 18.05.2004 ж. №411 токтомдорунун жана КР Суу Кодексинин, 69 бер., КР Жер Кодексинин 89, 90, 91, 92 бер. негизинде суу коргоо тилкелери бекитилген. Аталган токтомдордун жана мыйзамдардын негизинде “Жупас” каналынын сууну коргоочу аймагы эки жак жээгинен 6 (алты) метрден бекитилген.
3. Жер Кодексинин 92 бер., КР Суу Кодексинин 85 бер.ылайык Суу фондунун жерлери пайдаланууга ажыратуу КР Өкмөтүнүн өзгөчө компетенциясына кирет. Бирок, К. Алимов Мамлекеттик суу администрациясы жана КР Өкмөтү менен макулдашпай “Жупас” каналынын суу фонду жана суу коргоо аймагын Сабиров көчөсү тарабынан дубал жана дарбаза менен тосуп алган.
4. Ош шаардык ГАСК тарабынан К. Алимов Жупас каналынын жээгинен 2,85 метр аралыкта капитал курулуш бир кабат турак үйүнүн курулушун Жупас каналынын суу корук аймагына кургандыктан мыйзамсыз курулушту алып салуу талабы коюлган, №001109 текшеруу актысы жана №000674 бузууларды четтетүү эскертме жазуу 07.05.2024 ж. берилди.
5. КР Экологиялык жана техникалык көзөмөл (Госэкотехинспекция) кызматы тарабынан Жупас каналынын суу коргоо аймагына капиталдык курулуштарды (дубал, дарбаза, 1 комнаталуу үй) өзүм билемдик менен мыйзамсыз куруп алган К. Алимовго өз каражаты эсебинен мыйзамсыз курулуштарды бузуп, суу коргоо аймагын ачуу тууралу эскертүү катын берген.
6. Жер-сууну көзөмөлдөө кызматы тарабынан Жупас каналынын суу коргоо аймагына өзүм билемдик менен курган К. Алимовго курулуштарды алдыруу үчүн №0002402 текшерүү актысы жана бузууларды четтетүү тууралуу №0001349 жазма буйрук берилген.
7. Ош шаарынын мэринин 1 орун басары М.А. Исаев КР ӨКМ Ош шаардык башкармалыгына, Ош шаардык көрктөндүрүү жана жашылдандыруу комбинатына Ош шаарынын аймагындагы ирригациялык канал жана арыктарды чоңойтуу боюнча 18.05.2024 ж. тапшырма берген.
8. 08.04.2022 ж. “Жер тилкелерин мыйзамсыз басып алуу фактыларынын алдын алуу жана бөгөт коюу боюнча чаралар жөнүндө” КР Президентинин №109 Жарлыгы жана өлкө Президенти С.Н. Жапаровдун мыйзамсыз курулуштарга каршы аёосуз күрөшүү боюнча мамлекеттик саясатын эске алуу менен, Президент С.Н. Жапаровдун жарыялаган гумандаштыруу жана жерлерге мунапыс, жер баскынчысы К. Алимов тарабынан мамлекеттик жерлерди басып алууга, мыйзамсыз курулуштарды курууга, жарандарга жана коомго каршы кылмыш жасоого түрткү катары кабыл алуу зарыл.
9. КР Суу Кодексинин 4 бер. ылайык КР суу ресурстары, суу объектилери же мамлекеттик ирригациялык, дренаждык тутумдар жана суу чарба курулуштары ээлеп турган суу фондунун жерлери өзгөчө жана бөлүнгүс мамлекеттик менчик болуп саналат. Бирок, Алимов каналды үйүнүн жерине кошуп, дубал менен тосуп, мамлекеттин өзгөчө менчигин жеке менчигине мыйзамсыз өткөрүп, документтерди жасалмалаган жана КР Өкмөтүнүн 07.07.1995 ж. №271 токтому менен бекитилген “Суу коргоочу зоналар жана суу объект тилкелери жөнүндө” Жобосун талаптарын бузган. Ошол эле учурда Ош шаарында Жупас каналынын суу коргоо аймагында жайгашкан башка курулуштар бузулуп жатат, бузулбагандары боюнча Ош шаардык прокуратурасы сотко доо арыз берип, соттун чечими менен буздуруп жатат. Алимовдун артында чоң коррупционерлер тургандыктан, ал мыйзамдарыбызга баш ийбей, суу коргоо аймагын өзүм билемдик менен басып, ээлеп алган. Жогоркулардын негизинде Сизден суранам:
1. Жер жана суу мыйзамдарын одоно бузуп, Ош шаарынын Кызыл-Кыштак айыл аймагындагы Жупас каналынын суу коргоо аймагына мыйзамсыз берилген Кызыл-Кыштак айыл өкмөтүнүн 17.12.2010 ж. №180 токтомун жана Кара-Суу райондук Мамкаттоо (Кадастр) тарабынан берилген №300779 Мамакттын жокко чыгаруу боюнча сотко доо арыз берүү үчүн Ош шаарынын прокуроруна тапшырма берүүнүздү жана аны көзөмөлгө алуунузду.
2. Кызыл-Кыштак айыл аймагы, Бешкапа участкасы Миралимжан Халматов көчөсү №7 үйү Жупас каналынын суу коргоо аймагында курулган мыйзамсыз курулуш 1 комнаталуу турак үйдү, дубалды, дарбазаны (Сабиров көчөсү тараптан) буздуруп, суу коргоо аймагын ачып, баштапкы абалга келтирип берүүнуздү.
Жупас каналынын суу коргоо аймагына мыйзамсыз берилген Кызыл-Кыштак айыл өкмөтүнүн 17.12.2010 ж. №180 токтомун жана Кара-Суу райондук Мамкаттоо (Кадастр) тарабынан берилген №300779 Мамакттын жокко чыгаруу боюнча Ош шаарынын прокурору тарабынан сотко доо арыз берилбесе, К. Алимовдун башка мыйзамсыз аракеттерин кийинки арызда жазууга аргасыз болом.
Жер жана суу баскынчысы К. Алимовдун курмандарынан, 12.07.2024 ж.
P.S. К. Алимовдун артында 08.07.2024 ж. УКМК тарабынан толук кармалбаган эл аралык чоң наркомафия тургандыктан менин жеке коопсуздугумду камсыздап берүүнүздү суранам.
