Կասպից ծովը անհետացման եզրին է, դրա հետ կապված բնապահպանական խնդիրները չեն կարող անտեսվել:
Այս մասին հայտարարել է Ղազախստանի նախագահ Կասիմ-Ժոմարտ Տոկաևը, փոխանցում է ՏԱՍՍ-ը:
«Մենք նշել ենք Կասպից ծովի լոգիստիկ ներուժի ավելացման կարևորությունը։
Միևնույն ժամանակ, անընդունելի է անտեսել դրա բնապահպանական խնդիրները։ Ծովը անհետացման եզրին է:
Ամենակարևոր խնդիրը նրա շրջակա միջավայրի, բուսական և կենդանական աշխարհի պաշտպանությունն է:
Պետք է մշակել Կասպից ծովի փրկությանն ուղղված կոնկրետ լուծումներ»,- նշել է Տոկաևը:
