Son bir həftədə Bakıda iki ünvanda vətəndaşa məxsus yaşayış obyekti tikinti şirkətləri tərəfindən zorla sökülüb. Yasamal rayonunda Afət Quliyevaya məxsus evin söküntüsü zamanı isə o, zorla evdən çıxarılıb. Quliyeva onu evdən zorla çıxaranların şirkət əməkdaşları və əraziyə cavabdeh polis işçisinin olduğunu desə də, Daxili İşlər Nazirliyi bu iddianı təkzib edib. Baş Prokurorluq daha sonra Quliyevanın evinin sökülməsi ilə bağlı cinayət işinin başlandığını bildirib.
