Ադրբեջան-Թուրքիա-Պակիստան եռակողմ հարթակը միայն նպաստում է խաղաղությանը, անվտանգությանը, կայունությանը և առաջընթացին. Ադրբեջանի ԱԳՆ
«Թուրքիայի և Պակիստանի հետ Ադրբեջանի երկկողմ հարաբերությունները հիմնված են եղբայրության, պատմական և մշակութային կապերի, մեր ժողովուրդների փոխադարձ հարգանքի և վստահության վրա։
Նման ամուր հիմքերի վրա հիմնված մեր միջպետական հարաբերությունները բնութագրվում են կայուն և համապարփակ զարգացմամբ, տարբեր ոլորտներում սերտ համագործակցությամբ, համատեղ գործունեությամբ և միջազգային մակարդակով փոխադարձ հետաքրքրություն ներկայացնող հարցերում աջակցությամբ»։
Ինչպես հաղորդում է ԱՊԱ-ն, այս մասին հայտարարել է ԱԳՆ մամուլի քարտուղար Այխան Հաջիզադեն՝ պատասխանելով տեղական ԶԼՄ-ների հարցերին՝ կապված Աստանայում Ադրբեջանի Հանրապետության նախագահ Իլհամ Ալիևի երկկողմ և բազմակողմ հանդիպումների հետ։
«Աստանայում առաջնորդների մակարդակով այս հանդիպումը կնպաստի երեք երկրների միջև հարաբերությունների նոր մակարդակի բարձրացմանը, առաջնորդների ղեկավարությամբ եռակողմ համագործակցության հարթակի ամրապնդմանը և կանոնավոր կազմակերպմանը, նոր ուղղություններով Ադրբեջան-Պակիստան-Թուրքիա ռազմավարական գործընկերության ընդլայնմանը»։, - ասել է Ա.Հաջիզադեն: