Իսպանիայի հավաքականը 4:1 հաշվով հաղթանակ տարավ Վրաստանի թիմի նկատմամբ Եվրո-2024-ի 1/8 եզրափակիչում։
18-րդ րոպեին իտալական «Նապոլիի» հարձակվող Խվիչա Կվարացխելիայի ճնշման տակ տուգանային հրապարակում սխալվեց իսպանական «Ռեալ Սոսիեդադի» պաշտպան Ռոբին Լե Նորմանը՝ գնդակն ուղարկելով սեփական դարպասը։
39-րդ րոպեին «Աթլետիկ Բիլբաոյի» հարձակվող Նիկո Ուիլյամսի փոխանցումից հետո Վրաստանի թիմի դարպասը գրավեց Անգլիայի չեմպիոն «Մանչեսթեր Սիթիի» կիսապաշտպան Ռոդրին։
51-րդ րոպեին իսպանացիներին առաջ մղեց Ֆրանսիայի չեմպիոն ՊՍԺ-ի կիսապաշտպան Ֆաբիան Ռուիսը, որին գոլային փոխանցումը կատարեց «Բարսելոնայի» 16-ամյա հարձակվող Լամին Յամալը։
75-րդ րոպեին Ֆաբիան Ռուիսի փոխանցումն օգտագործեց եւ Իսպանիայի երրորդ գոլը խփեց Բիլբաոյի «Աթլետիկի» հարձակվող Նիկո Ուիլյամսը։
83-րդ րոպեին «ՌԲ Լայպցիգի» կիսապաշտպան Դանի Օլմոն «Ռեալ Սոսիեդադի» կիսապաշտպան Միկել Օյարսաբալի փոխանումից հետո հաշիվը դարձրեց 4:1:
Իսպանիան քառորդ եզրափակիչում կմրցի Գերմանիայի հետ։
