Վրաստանի հավաքականը Պորտուգալիայի նկատմամբ տարած հաղթանակից հետո ավելի վտանգավոր է դարձել:
Այս մասին ասել է Իսպանիայի հավաքականի գլխավոր մարզիչ Լուիս դե լա Ֆուենտեն։
«Ցանկանում եմ առավելագույն հարգանք ցուցաբերել մեր մրցակցի նկատմամբ, որը հիանալի և փայլուն հանդիպում անցկացրեց Պորտուգալիայի դեմ։ Մենք տեսանք, որ մեզ հետ հանդիպումից հետո նրանք շատ կատարելագործեցին իրենց խաղը։ Մենք պետք է ամեն ջանք գործադրենք հաջորդ փուլ անցնելու համար։
Նրանք ունեն շատ լավ խաղացողներ, ովքեր շատ արագ հակագրոհներ են անցկացնում: Մենք պետք է շատ զգույշ լինենք։ Բացի այդ, նրանք մեծ փորձ ձեռք բերեցին՝ երեք հանդիպում անցկացնելով Եվրոպայի առաջնությունում։ Բացի այդ, Վրաստանը մեծ մոտիվացիա կունենա Պորտուգալիային հաղթելուց հետո»,- ասել է նա։
