Қазақстандық жолдарда көлік бампері үстіне торы тартылған көліктер жиі көзге түседі. Бұл заңбұзушылық болып санала ма және көлік иесін қандай жаза күтеді, - деп хабарлайды Tengrinews.kz тілшісі.
Астана Полиция департаменті мәліметінше, көлік алдына тор тарту мемлекеттік нөмірді анықтауға кедергі келтіреді және сәйкесінше тәртіп бұзушылық болып саналады.
"Мемлекеттік тіркеу нөмірлік белгілерін (белгісін) сәйкестендіруге кедергі келтіретін не оларды түрлендіруге немесе жасыруға мүмкіндік беретін құрылғылар мен материалдарды қолдана отырып жабдықталған мемлекеттік тіркеу нөмірлік белгілері бар көлік құралын басқарғаны үшін ӘҚБтК-нің 590-бабы 4-бөлігіне сәйкес әкімшілік жауаптылық көзделген, оның санкциясы 5 тәулікке дейін әкімшілік қамаққа алуға және көлік құралдарын басқару құқығынан бір жыл мерзімге айыруға әкеп соғады. Тиісінше, нөмірлерге тор тарту заңбұзушылық болып табылады", - деп түсіндірді ведомстводағылар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
