Լևանդովսկին պատասխանել է Եվրո-2024-ից հետո հավաքականից հեռանալու մասին հարցին
Լեհաստանի հավաքականի և «Բարսելոնայի» հարձակվող Ռոբերտ Լևանդովսկին Եվրո-2024-ի Ֆրանսիայի հետ խմբային փուլի վերջին տուրի խաղից առաջ ասել է, որ դեռևս չի որոշել կշարունակի հանդես գալ միջազգային մակարդակում, թե ոչ։
«Ես իսկապես չգիտեմ։ Իհարկե, ես ինձ լավ եմ զգում թիմում։ Չեմ ուզում ապագայում ափսոսալ, որ շատ շուտ հեռացա ազգային թիմից, թեև կարող էի ավելի երկար խաղալ։ Մյուս կողմից, ես չեմ ուզում պայքարել այս որոշման դեմ, երբ գա այդ պահը։ Ես պետք է զգամ դա իմ ներսում: Այս որոշման վրա, իհարկե, ոչ ոք չի ազդի։ Միայն ես և իմ ընտանիքը»,- Լևանդովսկու խոսքերն է մեջբերում ՈւԵՖԱ-ի մամուլի ծառայությունը։
Հիշեցնենք, որ 35-ամյա լեհ ռմբարկուն իր նորամուտը իր երկրի ազգային հավաքականում նշել է 2008 թվականին։ Լեհաստանի հավաքականի կազմում նա անցկացրել է 151 հանդիպում, որոնցում խփել է 82 գոլ և կատարել 32 գոլային փոխանցում։