Қазақстанның бірқатар өңірінде аптап болады
Синоптиктер 24 маусымдағы синоптикалық жағдай мен қауіпті ауа райы құбылыстарының болжамын ұсынды, - деп хабарлайды Tengrinews.kz тілшісі.
Ауа райы болжамына сәйкес, Қазақстан аумағының басым бөлігінде тұрақсыз ауа райы сақталады, күндіз атмосфералық фронттар ықпалынан жаңбыр жауады, оңтүстік-шығыстың таулы аймақтарында нөсер жауады; республика бойынша жел күшейеді, бұршақ жаууы мүмкін.
"Күндіз Абай, Жетісу, Алматы, Жамбыл, Павлодар, Шығыс Қазақстан облыстарының кей жерлерінде, Қарағанды облысының оңтүстігінде қатты ыстық сақталады", - делінген хабарламада.
Ақтөбе, Алматы облыстарында, солтүстікте, Ұлытау облысының шығысында, Абай облысының солтүстігінде, батысында, Қарағанды облысының орталығында, Ақмоланың батысында, Шығыс Қазақстанның оңтүстігінде, батысында, Маңғыстаудың солтүстік-шығысында, Жетісу облысының солтүстігінде, шығысында, Павлодар облысының орталығында, Атырау облысының батысында, Батыс Қазақстан облысының шығысында жоғары өрт қаупі сақталады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!