«Հայաստանի՝ Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» թեմայով խորհրդարանական լսումների ընթացքում «Հանուն Հայաստանի» կուսակցության ղեկավար Արման Բաբաջանյանն ԱԺ ամբիոնից կախեց Եվրամիության դրոշը, ապա վրան «կալոշ» դրեց։
«Այս դրոշը կախում եմ, որ քննարկումն ավելի լավ անցնի։ Սա էլ «կալոշը»»,- ասաց նա։
Խորհրդարանական լսումները վարող ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը նկատողություն արեց նրան։
«Պարո՛ն Բաբաջանյան, ես խնդրեցի չէ՞, Դուք ՀՀ ԱԺ ամբիոնից հիմա կախել եք Եվրամիության դրոշը, ինչը խնդիր չէ, բայց ՀՀ ԱԺ-ում ՀՀ դրոշը պետք է լինի, մնացածն արդեն քննարկումների և դրա լուծումների արդյունքն է։ Էլի խնդիր չկա, բայց սա քաղաքական ակցիա է»,- ասաց նա։
Տեղից արձագանքեց քաղաքագետ Հարություն Մկրտչյանը, ինչին ի պատասխան Եղոյանն ասաց․ «Պարո՛ն Մկրտչյան, Դուք հիմա եկել ասում եք՝ փողոցում ՌԴ դրոշ կա։ Փողոցում շատ բան կա, սա փողոց չէ, սա ՀՀ ԱԺ լիագումար նիստերի դահլիճ է։ Տեղի ունեցավ քաղաքական ակցիա, որն իմ կարծիքով կարող էր և չլինել։ Ես ակնկալում էի բովանդակային խոսակցություն»։
