Հայտնի ամերիկացի բռնցքամարտիկ Ռայան Գարսիան հայտարարել է պրոֆեսիոնալ բռնցքամարտի կարիերան ավարտելու մասին։
«Ես պաշտոնապես ավարտում եմ կարիերաս. Շուրջն այնքան կոռուպցիա կա, որ ես ստիպված էի վերջ տալ դրան։ Ես կարող եմ զբաղվել դերասանությամբ կամ երգելով:
Ես կշարունակեմ մարզվել, բայց այս էջը փակված է: Ամենացավալին այն է, որ ես հիանալի բռնցքամարտիկ լինելով հանդերձ եկել եմ այս որոշմանը»,- գրել է Ռայանը իր սոցիալական ցանցում։
Հիշեցնենք, որ ապրիլի 21-ին Ռայան Գարսիան միաձայն որոշմամբ հաղթել էր հայրենակից Դևին Հեյնիին։
Սակայն ավելի ուշ հայտնի դարձավ, որ Գարսիայի դոպինգ թեստը պարունակում է արգելված նյութեր։ Ավելի վաղ՝ հունիսի 8-ին, Գարսիան հարբած վիճակում ծեծկռտուք էր սարքել Բևերլի Հիլզի հյուրանոցներից մեկում։ Հաղորդվում է, որ նա հաստատությանը 15 հազար դոլարի վնաս է պատճառել։