Алматыда жігіт әл-Фараби атындағы Қазақ ұлттық университеті аумағындағы фонтан маңында қайтыс болды. Жантүршігерлік оқиғаның видеосын куәгерлері Tengrinews.kz редакциясына жолдады.
Куәгерлердің айтуынша, жігіт суға түсер алдында ыстықтап кеткенін айтқан. Сосын фонтанға түсіп, тік тұрып, қайта суға құлаған.
Оқиға орнына жеткен жедел жәрдем қызметкерлері оның қайтыс болғанын анықтады. Нақты себептері әлі нақтыланған жоқ.
Алматы Полиция департаменті бұл дерек бойынша тергеу басталғанын хабарлады. Сот-медициналық сараптама тағайындалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
