Styret i Helse Nord vedtok at Helgeland bør behalde akuttsjukehusa i Mo i Rana og Sandnessjøen, i tillegg til nokre tenester i Mosjøen.
Helseføretaket har vore i ein vanskeleg økonomisk situasjon, og Helgelandssjukehuset har vorte diskutert i fleire år. Strukturen og framtida til helseføretaket har òg vore ei nasjonal, politisk sak.
Fleire av styremedlemmene ønskte å følgje dei faglege oppfordringane om å redusere talet på sjukehus på Helgeland til eitt.
– Eg synest det er ubehageleg når politikken styrer over pasientens beste, sa styremedlem Tone Hauge før vedtaket i Helgeland-saka vart gjort.
No ligg det til at ein går for ei todelt løysing.
