Türkiyə millisinin futbolçusu Arda Güler Avro-2024-də bu gün Gürcüstana qarşı keçirəcəkləri oyunla bağlı fikirlərini bölüşüb.
Futbolpress.az xəbər verir ki, yarımmüdafiəçi milli komandada olmağın xoşbəxtliyindən danışıb və azarkeşlərə çağırış edib:
“Ümid edirəm, Avropa çempionatı mən və komandam üçün uğurlu olar. Milli komandanın formasını geyinmək çox şey deməkdir. Qürurlu və xoşbəxtəm. Uzun illər yığmada oynamaq istəyirəm.
Gürcüstanla oyun çətin olacaq. Türk xalqını sevindirmək istəyirik. Azarkeşlərə mesajım var; bizə inanın! Onlar üçün hər şeyimizi verəcəyik”.
Bu gün keçiriləcək Türkiyə – Gürcüstan oyunu saat 20:00-da start götürəcək.
