Եվրահանձնաժողովը հուլիսին Կիևին կտրամադրի ռուսական սառեցված ակտիվներից գոյացած 1,5 մլրդ եվրո. գումարի 90%-ը կուղղվի զենքի գնմանը. Ֆոն դեր Լեյեն
Եվրահանձնաժողովը հուլիսին Կիևին կտրամադրի 1,5 միլիարդ եվրո եկամուտ՝ ռուսական սառեցված ակտիվների վերաներդրումից, այդ գումարի 90%-ը կուղղվի զենքի գնմանը։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը Բեռլինում Ուկրաինայի վերականգնմանը նվիրված համաժողովում։
«Արդեն հուլիսին ռուսական ակտիվների վերաներդրումից ստացված առաջին 1,5 միլիարդ եվրոյի եկամուտը հասանելի կլինի Ուկրաինային, որի 90%-ը կուղղվի զենքին», - ասել է նա:
Նախկինում Եվրահանձնաժողովը խոստացել էր հավաքել 2-3 միլիարդ եվրո՝ այդ եկամուտների օտարման շնորհիվ։