Այդ տարածքում ծառայություն են իրականացնում սահմանապահ զորքերը. Դա սահմանապահ զորքերի հսկողության գոտի է: Այս մասին լրագրողների հետ զրույցում հայտնեց պաշտպանության նախարարի տեղակալ Արման Սարգսյանը՝ անդրադառնալով հարցին՝ արդյո՞ք Տավուշում սահմանազատումից հետո դիրքերի փոփոխություն եղել է, թե՞ ոչ:
«Վերջին շրջանում չափից ավելի բաց, չափից ավելի թափանցիկ ենք աշխատում: Նախկինում, եթե դժգոհում էին ինֆորմացիայի ոչ օպերատիվ տեղ հասնելուց, հիմա այդ խնդիրն էլ չկա: Բոլոր տեսակի տվյալները տրամադրվում են, հանրությունը դրա մասին իրազեկվում է»,-նշեց նա:
Արման Սարգսյանն ընդգծեց՝ այդ հատվածը հանդիսանում է սահմանապահների ծառայության վայր:
«Երրորդ բանակային կորպուսը գոյություն ունի: Բնականաբար, իրենք իրենց խնդիրներն ունեն, սահմանապահներն՝ իրենց»,-ասաց նա և հեռացավ՝ չցանկանալով պատասխանել այլ հարցերի:
