Қаржы нарығын реттеу және дамыту агенттігі төрағасының орынбасары Олжас Қизатов қатарлық инвестор қашан Bereke Bank иесі болатынын айтты, - деп хабарлайды Tengrinews.kz тілшісі.
Қизатовтың айтуынша, қатарлық инвестор Lesha Bank Bereke Bank-ті сатып алатыны туралы шешім қабылданып қойған.
"Рәсімдік тұрғыдан алғанда, жақын арада, осы айдың аяғында немесе келесі айдың басында қатарлық инвесторлар банк холдингі мәртебесін алу үшін құжаттар пакетін береді деп күтіп отырмыз", - деді Олжас Қизатов ОҚК брифингінде.
Осыдан кейін қазақстандық тарап құжаттар пакетін қарап, мәмілені аяқтайды.
"Lesha bank-ке банк холдингі мәртебесін беру мәселесі шамамен биылғы шілденің соңында аяқталады", - деп қосты агенттік басшысының орынбасары.
Сілтемесіз жаңалық оқисыз ба? Онда Telegram желісінде парақшамызға тіркеліңіз!