Караклар кибетләргә кергән
Узган шимбә төнендә Юхмачыда, ә якшәмбе төнендә Югары Кәчидә караклар азык-төлек кибетләренә үтеп кереп товар урлаганнар.
Угрылар ашамлыклар, спиртлы эчемлекләр, сигаретлар алып чыкканнар. Ике кибеттә дә ревизия ясалып, төнге караклар китергән зыян ачыкланган. Җинаятьчеләрне кайнар эздән тоту мөмкин булмаган.
Район эчке эшләр бүлекчәсе начальнигы урынбасары Рамил Сәгыйтов әйтүенчә, караклар видеокүзәтү, сигнализация кебек саклану җиһазлары булмаган кибетләрне сайлаганнар.