Тазы — аң аулау үшін арнайы өсірілген тамаша ит. Ол негізінен Қазақстан, Өзбекстан және Тәжікстан елдерінде кең таралған.
«Тазы» сөзі парсы тілінен аударғанда «епті, шапшаң» деген мағынаны білдіреді. Бұл ит — жеті қазынаның бірі болып табылады. Қиын-қыстау заманда, бірқатар ауылдарды аштықтан аман алып қалған. Қазіргі уақытта, бұл иттер сирек кездеседі. Адамдар аң аулау кезінде тазының орнына мотоцикл мен автокөлікті қолданып жүр. Оларға жойылып кету қаупі төніп тұр. Тазы — сабырлы, айбынды ит. Жүні бір қабатты, жұмсақ. Ересек иттің салмағы 35 кг-ға жетеді, бойы 70 см-дан аспайды. Өмір сүру ұзақтығы 10-12 жыл. Тазының басы ұзын, еріндері жіңішке, құлақтары көз деңгейінде орналасқан....
