Մադրիդի «Ատլետիկոյի» հարձակվող Մեմֆիս Դեպայի գործակալ Սեբաստյան Լեդուրեն մեկնաբանել է այն լուրերը, թե ֆուտբոլիստն օգնել է Դանի Ալվեշին գրավի դիմաց ազատվել բանտից։
«Դրանք կեղծ լուրեր են։ Դա ճիշտ չէ»,- Լեդուրեի խոսքն է մեջբերել Goal-ը։
Փետրվարի 22-ին Բարսելոնայի դատարանը 40-ամյա Ալվեշին դատապարտել էր 4,5 տարվա ազատազրկման՝ 2022 թվականին Կատալոնիայի մայրաքաղաքի գիշերային ակումբում մի աղջկա բռնաբարելու համար։ Բացի այդ, բրազիլացուն պարտավորեցրել են տուժողին 150 հազար եվրո վճարել։
Մարտի 25-ին Ալվեշի փաստաբանները 1 միլիոն եվրոյի չափով գրավ են վճարել։ Ֆուտբոլիստը գրավի դիմաց ազատ է արձակվել՝ 14 ամիս կալանքի տակ մնալուց հետո։