Бүген көндез Чаллының 19 нчы мәктәбенә бомба куйганнар дигән хәбәр тарала. Тиз арада бөтен укучыларны мәктәптән эвакуациялиләр. Кинологлар этләр белән бөтен мәктәпне карап чыга, әмма бомба тапмый. Соңрак бу хәбәрнең ялган булуы ачыклана. Баксаң, бу хәбәрне гади укучы җиткергән була. Хәзер аның белән сөйләшүләр алып барыла.
Чаллыда мондый ялган бомбалар беренче тапкыр гына “куелмый” инде. Сәүдә үзәкләрен дә берничә ай элек шулай коткыга салганнар иде.