Штрафлар хәзер балларда исәпләнә башлаячак. Әйтик, шофер елына дүрт тапкыр ПДДны бозса, аңа өстәп тагын 10 мең сум штраф тартырга мөмкиннәр. «Куркыныч йөртүче» шоферларны машина йөртү хокукыннан мәхрүм итүләре дә ихтимал.
Тиешле закон проекты эшләнгән. Экспертлар әйтүенчә, ул СССР вакытындагы штрафлар системасы белән охшаш.
Ә автомобилистлар элек бу системаның нәтиҗәле булмаганлыгын расларга тырыша. Шуңа күрә алар баллар куллануга каршы. Бу яңалык юлларда коррупцияне дә арттырачак, дип фаразлый алар.