Ашый беләсеңме?
Авокадоны икегә бүлеп, төшен алып куялар һәм җимеш йомшагын десерт кашыгы белән ашыйлар.
Абрикос һәм сливаны кул белән урталай бүлеп, төшен алалар.
Шәфталуны урталай кисеп, төшен алалар, кабыгын чистарталар һәм турап ашыйлар.
Ананас һәм карбызны десерт чәнечкәсе һәм пычагы белән ашау дөрес булыр.
Әфлисун һәм мандаринны кабыгын чистартып, аергалап ашыйлар.
Банан пычак белән әрчеп, десерт пычагы яки чәнечкәсе белән ашалырга тиеш.
Виноградны тәлгәшеннән өзеп, тәлинкәгә салалар һәм кул белән берәмләп ашыйлар.
Чияне кул белән ашарга, ә төшен үз тәләнкәңдә калдырырга кирәк.
Грейпфруктны табынга урталай кисеп куялар. Кабыгын пычак белән чистартып, десерт кашыгы ярдәмендә ашыйлар.
Дүрткә бүленгән грушаны чәнечкә белән эләктереп, кабыгын пычак белән чистартып ашау дөрес.
Кивиның башта өске өлешен кисәргә, аннан пычак белән чистартып, телемләп турап ашарга кирәк.
Кавынны десерт чәнечкәсе белән ашыйлар.