Ел башыннан Татарстан юлларында 412 кешенең гомере өзелгән
2015 ел башыннан Татарстан юлларында 412 кеше һәлак булган.
Узган ел гыйнвар-октябрь аенда юлларда үлүчеләр саны 100гә күбрәк булган. Әмма быелгы октябрь узган елгысына караганда күпкә начар күрсәткечләр алып килүе белән истә калган. Ноябрь ае да мактанырлык түгел. Шуңа да юллардагы иминлек мәсьәләсенә игътибарны арттырырга кирәк.
Бу хакта юл хәрәкәте иминлеген тәэмин итү буенча Казанда узган хөкүмәт комиссиясе утырышында әйтелде.
Intertat.ru