Եվրո-2024-ի ընտրական փուլի 7-րդ տուրում Հայաստանի հավաքականը կհյուրընկալվի Լատվիայի ընտրանուն։ Նախախաղային ասուլիսի ժամանակ սպասվող հանդիպման մասին խոսել է Հայաստանի ազգային հավաքականի և խորվաթական «Օսիեկի» պաշտպան Ստյոպա Մկրտչյանը։
«Հավաքականի 2 խաղերից հետո 1 հանդիպում եմ անցկացրել Խորվաթիայում, բայց լավ եմ զգում ինձ։ Ամեն ինչ նորմալ է։ Եկել ենք այստեղ միայն հաղթանակի համար, 3 միավորի համար, ուրիշ միտք չունենք։ Թիմում ամեն ինչ լավ է, լավ տրամադրվածություն է։ Մտածում ենք միայն Գերմանիա գնալու մասին, ուրիշ ոչ մի բան։
Շատ լավ հավաքական ունի Լատվիան։ Ֆիզիկապես լավ ուժեղ թիմ է, բարձրահասակ ֆուտբոլիստները շատ են։ Գիտենք, որ շատ լավ թիմ է։ Չեմ ուզում ասել, թե որ թիմն է վաղը ֆավորիտ։ Մենք այստեղ եկել ենք հաղթանակի համար։ Իհարկե, հարգելով մրցակցին, բայց մենք պետք է վաղը 3 միավոր վաստակենք»,- ասել է Մկրտչյանը, փոխանցում է Armsport-ը։
Եվրո-2024-ի ընտրական փուլի Լատվիա – Հայաստան հանդիպումը կկայանա վաղը՝ հոկտեմբերի 12-ին։
The post Եկել ենք այստեղ հաղթանակի համար․ Ստյոպա Մկրտչյան appeared first on ԳԱԼԱ.