Марат Бәшәров кыйнаганнан соң хатынында яман шеш авыруы башланган
Бер ел элек Марат Бәшәров исерек килеш хатыны Екатерина Архарованы кыйнаган иде.
Күптөрле тән җәрәхәтләре алган, борын сөяге сынган ханым тернәкләнеп тыныч кына яши башлаган иде, әмма Екатеринаның баш миендә яман шеш тапканнар. Соңгы вакытта баш авыртудан изаланган ханымның бик күп тикшеренүләр үтеп, шешнең төрен ачыклатасы бар. Яман шеш башлануның сәбәбен табиблар кыйналудан алган җәрәхәтләр нәтиҗәсе дип белдерә. Марат та үз гаебен танып, элеккеге тормыш иптәшеннән гафу үтенгән һәм ярдәм итәргә теләвен белдергән, дип яза rsute.ru сайты.