Мәктәпләрдә белем дәрәҗәсен сынау бәйгеләре башланды
Көзге каникуллардан соң мәктәп укучыларының республика фән олимпиадаларының муниципаль туры башланды. 10 ноябрьдә Зәйнең татар гимназиясендә татар мәктәпләрендә укучы балалар өчен рус теле буенча бәйге үтте, ә кичә укучылар рус әдәбиятыннан белемнәрен сынадылар. Иртәгә 4нче мәктәптә Татарстан тарихы буенча республика олимпиадасының район туры үтә. Моннан тыш, бүген Зәйнең бар мәктәпләрендә “Русский медвежонок” халыкара тел гыйлеме бәйгесендә катнашучы укучылар тест сорауларына җавап бирә. Ул II – XI сыйныфка кадәр һәр төркем укучылар өчен дә оештырыла.