Տոկիոն 758 դիրքով ընդլայնել է Ռուսաստանի արտահանման համար արգելված ապրանքների ցանկը։ Այս մասին հայտնել է Ճապոնիայի էկոնոմիկայի, առևտրի և արդյունաբերության նախարարությունը։
Արգելքն ուժի մեջ է մտնում օգոստոսի 9-ից։
Նախարարությունն արգելել է նաև փայտի և փայտյա իրերի, թղթի և ստվարաթղթի, գծագրերի և սխեմաների, քարի, գիպսի, ցեմենտի, ոչխարի և այլ կենդանիների բրդի, բամբակի և բամբակյա արտադրանքի ներմուծումը Ռուսաստանի Դաշնություն։ Պատժամիջոցների ցանկում ներառվել են նաև մետաղներ՝ պղինձ, նիկել, ալյումին, կապար, ցինկ, անագ, ոչ թանկարժեք մետաղներից պատրաստված արտադրանք։
Սահմանափակումները վերաբերում են լուսանկարչության և նկարահանման նյութերին, օգտագործված հագուստին: Բացի այդ Ռուսաստան կարգելվի ներմուծել քիմիական արդյունաբերության արտադրանք, պլաստմասսա, կաուչուկ և դրանից պատրաստված ապրանքներ, օրինակ՝ խոշոր մեքենաների անվադողեր, էլեկտրական ապրանքներ, լոկոմոտիվներ, երկաթուղային վագոններ։
