Եթե Մոսկվան հատուկ գործողություն չսկսեր 2022 թվականի փետրվարին, Ուկրաինայի հետ ռազմական գործողությունները կսկսվեին ավելի ուշ Ռուսաստանի և Բելառուսի համար ավելի վատ պայմաններում։ Այս մասին ասել է Բելառուսի նախագահ Ալեքսանդր Լուկաշենկոն «Մոսկվա Կրեմլ Պուտին» հաղորդաշարի եթերում՝ «Ռոսիա 1» հեռուստաալիքի Պավել Զարուբինի հետ հարցազրույցում, գրել է РИА Новости-ն։
Նրա խոսքով՝ Մոսկվան կարողացավ կանխել իրավիճակը։
Բելառուսի ղեկավարը նշել է, որ խոսքը վերաբերում է Ռուսաստանի հետ արևմտյան աշխարհի պատերազմին, այլ ոչ թե, օրինակ, «Չինաստանի հետ Թայվանի համար»։ Նա դա բացատրել է նրանով, որ ԱՄՆ-ն ու նրա դաշնակիցներն իրենց քաղաքականությունը վարելիս «ընկել են» Մոսկվայի վրա։