Mastercard-ի նախկին գործադիր տնօրեն Աջայ Բանգան, որը տասնամյակների կորպորատիվ աշխատանքի փորձ ունի, չորեքշաբթի հաստատվել է Համաշխարհային բանկի ղեկավարի պաշտոնում հինգ տարի ժամկետով։ Այս մասին գրել է AP-ն։
Նրա պաշտոնավարումը կսկսի հաջորդ ամիս:
ԱՄՆ-ի կողմից առաջադրված բանկիրը փոխարինում է Դեյվիդ Մալպասին՝ նախկին նախագահ Դոնալդ Թրամփի ընտրյալին, որը վաղաժամկետ ավարտում է իր պաշտոնավարումը 189 երկրների աղքատության դեմ պայքարող համաշխարհային հաստատությունում ճնշման տակ ընկնելուց հետո՝ հրաժարվելով ասել, թե համաձայն է կլիմայի փոփոխության վերաբերյալ գիտական կոնսենսուսի հետ:
Նախագահ Ջո Բայդենը Բանգային ընտրել էր փետրվարին, այն բանից հետո, երբ Մալպասը հայտարարել էր, որ կհեռանա մինչև հունիսի 30-ը։