Пенсиясе өчен әнисенең үле гәүдәсен өч ел тозлап саклаган
Хокук сакчылары 90 яшьлек хатынның мумияләнгән гәүдәсенә тап була.
Әлеге хәл Ессентукида була. Өч ел буена аның 60 яшьлек улы тән таралмасын һәм исләнмәсен өчен гәүдәне тоз белән эшкәртеп тора. Ир-ат сүзләренә краганда, ул әнисен бик яраткан һәм аерылырга теләмәгән. Моннан тыш, ул әнисенең үлемен яшереп, аны күммичә, ышаныч кәгазе буенча ай саен 16 мең сум пенсия алуын дәвам иткән. Әмма күршеләр аның үз эченә бикләнүен, аралашмавын һәм фатирына каплар ташуын күреп, участковый чакырта. Хәбәр итүләренчә, 60 яшьлек әлеге ир-ат секс-шопта сатучы булып эшләгән.