სროლის შედეგად სულ მცირე 3 ადამიანია მოკლული ამერიკის მიჩიგანის შტატის უნივერსიტეტში. დაჭრილია 5.
ადგილობრივი პოლიციის ინფორმაციით, თავდასხმაში ეჭვმიტანილმა თავი მოიკლა. მისი ვინაობა და დანაშაულის მოტივი ჯერჯერობით უცნობია.
შეერთებულ შტატებში საკმაოდ ხშირია ცეცხლსასროლი იარაღის გამოყენებით მასობრივი მკვლელობის ფაქტები, რის გამოც ბევრი ამერიკელი დიდი ხანია მოითხოვს ცეცხლსასროლი იარაღის გაყიდვის მაქსიმალურად შეზღუდვას.
2022 წელს, პრეზიდენტმა ჯო ბაიდენმა ხელი მოაწერა ცეცხლსასროლი იარაღის მიმოქცევაზე კონტროლის გამკაცრების კანონს, რომელიც ითვალისწინებს იარაღის შეძენის მსურველი, 18-21 წლის ასაკის პირების უფრო მკაცრად შემოწმებას. იარაღს ხუთი წლის განმავლობაში ვერ შეიძენს ოჯახური ძალადობისთვის სასჯელმოხდილი პირი. 15 მილიარდი დოლარი გამოიყო სასწავლო დაწესებულებების უსაფრთხოების დაცვის გაძლიერებისთვის და მოქალაქეთა ფსიქიკური ჯანმრთელობის საჭიროებებისთვის.