Вызваленне Беларусі залежыць толькі ад беларусаў. Ніякі полк Каліноўскага не вызваліць Беларусь без масавай дапамогі саміх беларусаў, калі вызвалення будуць чакаць на канапе, кажа актывіст, прадстаўнік руху „Супраціў” Зміцер Шчыгельскі:
– Калі не будзе рэвалюцыйнай сітуацыі ўнутры Беларусі, калі не будзе масавых выступаў, значна больш радыкальных за тыя, што былі ў 2020, ніякі полк Каліноўскага пытанне Беларусі не вырашыць. Калі беларусы лічаць, што можна сядзець і чакаць, што прыйдуць каліноўцы, а яны на Ютубе паглядзяць, як зносяць Луку, то так не будзе, бо так немагчыма. Пытанне Беларусі можа быць вырашана толькі ўнутры Беларусі, але полк Каліноўскага можа зрабіцца той саломінкай, якая ламае хрыбет вярблюду.
Стварэнне Рады бяспекі, якую распачаў рух „Вольная Беларусь” і полк Каліноўскага можа аб’яднаць усе дэмакратычныя сілы. І гэта дае надзею на будучую вольную Беларусь.
Беларускае Радыё Рацыя
Artykuł Зміцер Шчыгельскі: Вызваленне Беларусі залежыць толькі ад беларусаў pochodzi z serwisu БЕЛАРУСКАЕ РАДЫЁ РАЦЫЯ.
