Чилилик сузувчи Антарктида қирғоқлари бўйлаб икки ярим километр музли сувда сузиб, жаҳон рекордини ўрнатди. Бу вақт давомида уни қўллаб-қувватлаш гуруҳи аъзолари ва Чили денгиз флоти аъзолари кузатиб юришган.
37 ёшли Барбара Эрнандес сув ҳарорати икки даражадан сал ошиқроқ бўлишига қарамай, оддий сузиш кийимида мазкур масофани 45 дақиқада босиб ўтди. Спортчи жисмоний жиҳатдан ниҳоятда қийин бўлса-да, ниҳоят орзусини амалга оширганини айтди.
«Тикланиш жуда қийин эди. Менда кучли ҳипотермия бор эди – тана ҳароратим 27 даражага тушди. Бундай шароитда сузиш учун нафақат жисмоний, балки психологик жиҳатдан ҳам тайёргарлик кўриш керак. Биз бу натижа учун уч йил қаттиқ меҳнат қилдик», дейди Барбара.
Ҳозирда «муз париси» рекорди халқаро ташкилотлар томонидан текширилмоқда.
Маълумотларга кўра, чилилик “муз сув париси” Жанубий Шетланд ороллари яқинида Атлантика океанида 2,49 километр масофани сузиб ўтган
Бу унинг биринчи рекорди эмас – у илгари Атлантика ва Тинч океанлари орасидаги Дрейк бўғозини энг тез сузиб ўтган эди.