Фото: Marie Claire Кембриж герцогиняси бир қатор ғайриоддий озиқ-овқат қоидаларига бўйсунади. Улардан баъзилари британиялик журналистларни жуда ҳайратда қолдирди, деб ёзади Marie Claire. Буюк Британиянинг бўлажак маликаси мақоми нафақат имтиёзлар ва имкониятлардан иборат, балки сўзсиз риоя қилиниши керак бўлган жуда кўп қоида ва расмиятчилик ҳамдир. Улардан баъзилари чиндан ҳам ҳайратланарли. Мисол учун, Кембриж герцогинясига картошка ва бошқа углеводларни истеъмол қилиш тақиқланган. Фото: Marie Claire Рационда картошкадан ташқари гуруч ва макарон ҳам бор. Собиқ қироллик ошпази Даррен МакГрэйдининг сўзларига кўра, бу қироллик оиласининг юқори мартабали аъзолари орасида узоқ йиллик анъанадир. Бу қиролича Елизавета II нинг овқатланиш одатлари билан боғлиқ бўлиб, айнан у углеводларни истеъмол қилмагани учун картошкани тақиқлашни буюрган. Бироқ бу қоидага фақат Британия қироллик оиласи аъзолари монарх билан бирга тушлик ёки кечки овқат пайтида амал қилади. Ўз турар жойларида ҳар ким хоҳишига кўра овқатланиши мумкин. Айниқса, Кейт итальян таомларини яхши кўрадиган фарзандлари шаҳзода Жорж ва малика Шарлотта билан макарон пиширишни яхши кўради. Фото: Marie Claire Британия қироллик оиласида овқатланишга оид яна бир қанча қизиқарли тақиқлар мавжуд. Аввало қиролликнинг катта аъзолари саёҳат пайтида зарарли маҳсулотлардан қочиши керак. Хусусан, бу оғир оқсил заҳарланишига олиб келиши мумкин бўлган моллюскаларга тегишли. Тақиқ хом гўштни ҳам ўз ичига олади, шунинг учун расмий тадбирлар ва саёҳатларда қироллик оиласи тартар ёки карпаччо каби таомлардан воз кечади. Бироқ истиснолар бўлиши ҳам мумкин. Кембриж герцоги сушини жуда ҳам яхши кўради. Саримсоқ (ва у қўшиб тайёрланадиган таомлар) оғиздан келиб чиқадиган ёқимсиз ҳид туфайли қироллик оиласининг менюсида тақиқланган. Истеъдодли ошпаз сифатида танилган Корнуол герцогиняси Австралиянинг “Маster Chef” шоусига тадбирлардаги меню хусусиятлари ҳақида гапириб берди. Камилланинг сўзларига кўра, меҳмонларга тортиладиган таомларда саримсоқ кўп бўлмаслиги керак. Маълумотни Даррен МакГрэйди ҳам тасдиқлади ва у тақиқ пиёзга ҳам тегишли эканини таъкидлади.
