თურქეთის საზღვარზე მოკლულია ბულგარეთის პოლიციელი, განაცხადა ბულგარეთის შინაგან საქმეთა სამინისტრომ 8 ნოემბერს, მაშინ, როცა მრავალრიცხოვანი ხალხი კვლავაც ცდილობს ევროპის კავშირის წევრ ქვეყანაში შესვლას.
სამინისტროს თანახმად, ინციდენტი მოხდა 7 ნოემბერს, როცა დაუდგენელმა პირმა ცეცხლი გაუხსნა სასაზღვრო პოლიციის წარმომადგენელს და ჯარისკაცს, რომლებიც პატრულირებდნენ სოფელ გოლიამ დერვენტის მახლობლად, განაცხადა შინაგან საქმეთა მინისტრმა ივან დემერჯიევმა.
ბულგარეთმა მავთულხლართებით გააძლიერა თავისი 259-კილომეტრიანი საზღვარი ევროკავშირის არაწევრ თურქეთთან, მაგრამ ბარიერი დააზიანეს საზღვრის გადაკვეთის მოსურნე ხალხის მოზღვავებასთან ერთად.
აგვისტოში ორი პოლიციელი დაიღუპა, როცა ავტომანქანა, რომელსაც მიგრანტები გადაჰყავდა, პოლიციის მანქანას დაეჯახა შავიზღვისპირა ქალაქ ბურგასის მახლობლად, როცა სამართალდამცავები მათ შეჩერებას ცდილობდნენ.
